رمضان جاي

^.

كل سنة و انتم طيبين

رمضان كريم

مش فاضل على رمضان غير ايام قليلة اوي و يجي

يلا عايزين السنة دي رمضان يبقى جميل و ان شاء الله ربنا يتقبل صيامنا كلنا :)

و يلا ادي شوية حاجات عايزة اركز عليها في رمضان و عشان افتكرها دايما و يلا ابئو فاكروني :) يلا استفيدوا

اهو

اهم حاجة بقلها لنفسي قبل اي حد مفيش تلفزيون في رمضان ابدا خالص ممنوع بتاتا البتة بجد التلفزيون داه بيضبع وقت كتيييير اوي ممكن نستفيد منه و بيشغل تفكيرنا يعني مش بس الوقت النتفرج على حاجة يضيع لا ينقص من القدرة على العبادات التانية اوي

ان شاء الله يا رب اقدر لختم كذا مرة رمضن داه و مفيش كسل ان شاء الله بتركيز و ان شاء الله يا رب يتقبل منا كلن

ان شاء الله ربنا يقدرنا و نقدر على طول نصلي التراويح جماعة مش لازم حتى في المسجد بس جماعة يا رب

ان شاء الله دايما دايما نحاسب نفسنا على طول و يبقى فيه نية جديدة و عزم عشان محدش عارف الحسنات الممكن الواحد ياخدها لو اجتهد في رمضان هتنجي من حاجات كتير خصوص ان قي شيء رخم بيزن علين كتير على المعاصي مش هيبقى موجود فداه هيريحن و يسهل علينا الطاعة

الشهر داه شهر واحد في السنة بس لو استغلينا صح ممكن نبقى احسن بكتييييير في ل السنة فيا رب قدرنا ان احنا نبذل فيه اقصى مجهود و تتقبل منا يا رب

و دي بس كانت حاجات قلت اقولها و ابئا افكر نفسي بيها دايما طبعا غير العبادات و ربنا يكرومنا كلنا و يبلغنا رمضان

و كل سنة و نتم طيبين

يلا سلام :)

ياااه من زمان

اامتى ترجع ايام زمان

ايام الضحك و الفرفشة و الروقان

نعد على السفرة و نلعب اكس او و بينجو و بدون كلام

و اول ماتيجي اوتوبيس كومبليه اخسر باتقان

اول مابتدي الاقيهم خلصنا هدوا يا جدعان

و اما نلعب بدون كلام اكني عمري ما شفت افلام

و اقول عايزة اكبر عشان اغلبهم انا كمان

و اسحب اي نضارة و اطلع على السفرة دكتورة من غير سنان

دلوائتي نفسي ارجع و فيها لما اخسر اكنو كسبان

مايقتش محتاجة اسحب باءا ليا نضارة بس بتتلبس و فيه اسنان

يلا سلام :):):):)

سبعة و لا تمانية ؟؟

اهلااا

ازيكم يا جماعة عاملين ايه :)

بقالي كتير ماكتبتش بس مكنتش لاقية حاجة اكتب فيها

بس قريب لقيت حاجة عجبتني و قلت اقلهلكو يلا ننشر حاجة كويسة برضوا :)

دلوائتي على طول تلاقي في حالة الابتداء بالظن الوحش في القدامك معممعمة كدا على اغلب الشعب مش عارفة ليه

يعني لو كان في حد عنده وجهة نظر و مقتنع بيها اوي و شايف انها صح , فهو ساعتها عمره ما يفكر ان وجهة النظر القدامه كمان صح

اه ينفع ان يكون وجهتين نظر صح

يعني الواحد لازم يحط مكانه مكان الانسان القدامه عشان يشوف وجهة نظره صح

مثلا لو واحد و مراته اتخانقوا عشان هوا بيزعق للولاد اما يغلطوا بدل مايناقشهم و يكلمهم

هوا شايف ان دي الطريقة الصح و هوا اتربى كدا و دول ولاده برضه

هيا شايفة ان دي مش طريقة للتربية عشان كدا الولاد هيبعدوا عنه و يخافوه بدل مايحكوله

هما الاتنين شايفين ان وجهة نظرهم صح و ان التاني غلطان بس يعني لو المراة تفهمت جوزها و عرفت هوا بييعمل كدا ليه و قدرت تناقشه هما الاتنين هيستفيدوا من بعض

اكن واحد محطوط اودامه رقم 7 بالعربي و التاني من الناحية التانية داه بيحلف ان دي 7 و داه متاكد انها 8 و يقسم بكدا و الاتنين صح مش هيقدروا يفهموا الا لوحد جيه مكان التاني

:) بس الصورة الفوق دي يا ترى نفس انطباعك ليها زي البيشوفها من الناحية التانية :) ؟

وبس

اتمنى اني قدرت اقول حاجة كويسة لمرة :) :):):) و يكون اي حد استفاد حاجة

يشكرا لليدخل و يقراه الموضوع اي شكرا ليكو كلوكوا :):):):):):)):) ههه

يلا سلاااام