الجمعة، 11 فبراير 2011

عزيزي الرئيس السابق هذه الدنيا



بجد انا بحمد ربنا اني عشت لحد ما بقى مارك رئيس ابق
الف مبروووووووووووووووووووووووووك
الكلمات تعجز عن وصف سعادة الشارع و الشعب
يعيش شباب التحرير
تعيش الاجندات المندسة البياكلو كنتاكي الجابلنا حقنا
:)
مبروووووك

و احب اقول كلمة لمبارك
رئيس العزيز السابق
جيه يومك بقى

الأحد، 6 فبراير 2011

عتاب مع نفسي




السلام عليكم ورحمة الله و بركاته
بقاليييي كتييير مدخلتش
بس انا دلوقتي فعلا مش قادرة حسا بلحظة ضعف اوي
حاسة اني و لا حاجة اوي
حاسة ان في ناس انا مستهلهاش اويييييي
انا لحد دلوقتي مش متخيلة
دم الأرواح المااتت فعلا
المش قادرة استحملو ان مذكور انهم كانوا في عربيات الاسعاف و الشرطة منعاهم و سدا الطريق انهم يروحو المستشفى
ايه الحقارة دييه
ازاايي
ديه ارواح ناس
حسبي الله و نعم الوكيل دي ناس بتموت
بعد كدا ناس تيجي تقول لا داه مبارك طلع كويس لا و الف لا حط نفسك ممكان ام من الشباب الاتقتلوا قلي لو مكانهم هتكون عايز تعمل ايه انا مش مكانهم بس نفسي اروح لكل فرد من الحقراء الضربوا عليهم الرصاص و اولع فيه
دول ناس ماتوا عشان عايزين عيشة كريمة ليكي و ليا و ليه
دول طلبوا حرية
دول قعدو في مظاهرتهم يدعوا سلمية تقوموا قاتلنهم كدا ربنا ينتقم منكم
حسبي الله و نعم الوكيل
انتو عارفين واحد من الاتقتلو عندو 14 سنة
14 سنة بجد انتو متخيلنها
داه طفل
طفل اتفتل
لييييييييييييييييييييييييييييييييه
ليييييه
عشان واحد مش عايز يسيب كرسيه يموت شعبه
حد يرد عليت يقلي ازايي
دول بني ادمين اصلا ؟؟؟؟

بصو انا ليا تعليق للناس البتقول كفاية مظاهرات وقفتوا حال البلد
مش هما الموقفين حال البلد كل بلد في الدنيا بتحصل فيها مظاهرات و بتفضل شغالة
سؤال باءا للبيقول الرئيس داه كويس

مين المسئول عن الإهمال والفساد اللي في بلد؟ مين زور انتخابات مجلس الشعب ؟ مين طلق بلطجية الأمن على مصر من تلات اربع ايام بس وخلانا كلنا مرعوبين؟ وفي ثانية اختفت الشرطة كلها وفي ثانية برضو ضغط على زرار رجع الشرطة تاني؟ ومين بضغطة زر برضو قفل عنكم كل وسايل الاتصال محمول وانترنت ووقف حركة القطارات ورجعكم للعصر الحجري؟ مين ليلة امبارح فتح النار على المصريين العزل في الميدان زي أي كلب صهيوني بيموت الفلسطينيين؟ مين مسيطر على إعلام الدولة اللي هو ملككم كلكم ومجنده لحسابه؟ مين اللي مستخبي وكل يومين يعمل خطاب منعرفش بيقوله منين؟ وسايب الشرفا بيموتوا في الشوارع ؟؟؟

انا مش هقدر اقول حاجة انتو الردوا على نفسوكو
ازاي واحد قتل اخواتي و اهلي ائمنلو كمان 6 شهور
انتو بتكلموا ازايي ؟؟؟
انا اطالب بمحاكمته تقوليلي يعد يحكمنا تاني


بصو بقا اليقول احنا اتحققلنا مطالبنا احنا اصلا متعملناش حاجة
كلها كلام و مفيش حاجة اتعملت
يعني مثلا مادة 88 متقلش عليهااا ايي حاجة
قانون الطوارئ ماتلاغاش
مبارك ماستقلش من الحزب الوطني
مسمعناش عن محاكمة اي حد من حرامية الدولة
؟؟؟؟؟؟؟؟؟؟؟؟؟؟؟
مطالب مين الاتحققت
انا بجد تعبت

الثلاثاء، 10 أغسطس 2010